"Гаднаа хувирч дотроо үл хувирмуй"

"Гаднаа хувирч дотроо үл хувирмуй"
 "Сохрын газар сохор, доголонгийн газар доголон" 

Хятадын гүн ухаантан Жуанзыгийн "Гаднаа хувирч дотроо үл хувирмуй" хэмээх сургаал  анхаарууштай санагдав. Залуу байхад гадаад орчин хийгээд нийгмийн ахуй байдалд дасан зохицож чадахгүй тэр хэрээр бухимдан зовних явдал бишгүйдээ л нэг байдаг. Хамт ажиллаж, сурдаг хүмүүс санаанд чинь нийцэхгүй байх гэх мэт.  Хувь хүн бүхэл бүтэн гадаад орчныг тэр чигээр нь өөрчилж өөрийн санаанд нийцүүлнэ гэж юу байхав. Харин өөрөө тэрхүү гадаад орчинд уусан нийцэж хувирах нь л ухаант хүний ёс. 

Энэ нь Өндөг, лууван, цайны навч гурвыг нэгэн зэрэг буцламгай халуун усанд хийгээд чанавал хагас цагийн дараа лууван нь хэлбэрээ алдаад нухаш болон хувирах нь тодорхой. Харин өндөгний хальсны өнгө бага зэрэг хувирах боловч дотроо хатууран болсон байх нь тодорхой. Өөрөөр хэлбэл дээрх хоёр юмс дотоод мөн чанараа алдаж байна гэсэн үг. Харин цайны навчны дотоод мөн чанар хувирахгүй хэлбэр дүрсээ хэвээр хадгалахын зэрэгцээ тансаг амт анхилуун үнэрээрээ олон түмнийг тэтгэж байдаг бус уу? Хувь хүн нийгэмдээ түүн лүгээ адил оршихыг Жуанзыгийн дээрх сургаал өгүүлж байгаа юм гээд яриагаа үргэлжлүүлсний зах зухаас товч дурдахад ийм буй.